بتاخد وقت طويل ف المذاكرة ومش بتنجز حاجة يبقي لازم تقرا المقاله دي

مشكلة الطلاب رقم #1 في العالم .. تم التعديل
باخد وقت طويل ف المذاكرة ومش بانجز حاجة
.
مش غريبة الجملة عليك .. صح ؟ 😞😞
مشكلة خانقاك ، مضيعة وقتك ، ومجهودك ؟
خايف تعبك يروح على الفاضي ؟ 😬😬
استعد لبوست تاريخي .. *(هيريح بالك) ، وهتفضل تستخدمه
وهتدعيلي ✌️😃
.
بتذاكر كثير وفي الأخر مفيش نتيجة ، مش بتنجز حاجة ، مفيش غير السراب ؟
============================================
مشكلتك لها حل .. وحلها سهل ، دول خطوات بسيطة ، مختصرة جدا
ومع ذلك هعرفك لو عايز تفاصيل تلاقيها فين ..
لو أنت جاد فعلا وعايز تحقق حاجة محترمة الطريق قدامك مفتوح .. اتفضل
.
1. خد بالك الغلطة دي بتكلفك كثير
-----------------------------------
المدرج مش للدردشة ولا الحصة للهزار ، ده وقت الفهم ، أول مذاكرة حقيقية ، تخيل نفسك طالع فاهم ومبسوط ، ويا سلام لو أخدت دقيقتين في الأخر وسألت نفسك : انا أخدت إيه النهاردة ، تقديرك أو مجموعك هيتغير من غير نقاش
.
عايز تعرف علاج الغلطة دي بتفاصيل أكثر اقرأ دول :
- كيف تستفيد أقصي استفادة من شرح المعلم http://egy-links.com/gWv9
- أفضل طريقة لكتابة المحاضرة https://goo.gl/yjFsKW
.
2. ده تصرف حد بيدور لنفسه على المشاكل
اللي ياخد الحاجة النهاردة ويركنها أسبوع أو حسب نصيبها ، لو تعرف كمية الضرر اللي بتحصل مش هتصدق ، كفاية تعرف أنه أساس كل التعب والقرف اللي بيسببه التراكم ، وإن سبب 75% من النسيان
.
لو عايز معلومات أكثر اقرأ دول :
- منحنى النسيان الرهيب https://goo.gl/8d4c8e
- أسباب النسيان https://goo.gl/TDr8HQ
.
3. لما يكون عقلك زي الحلة التيفال لا تلتصق به المعلومات أبدا
مش مهم تفتح الكتاب ، لو مفيش تركيز مفيش مذاكرة ، هتقعد ساعة اثنين .. أكثر ، وفي الأخر سراب ، إيه نابك غير التعب ، بعد نص ساعة من غير راحة تركيزك بيقع في الأرض ، بتحتاج 3 دقايق راحة عشان ترجع تركيزك ؟
.
عايز معلومات أكثر ؟ اقرأ
- كيف تضاعف قدرتك على التركيزك https://goo.gl/hBAHHt
.

4. مشكلة العصر بتضيع وقتك على الفاضي
أصبحنا في عصر كل شيء قصير وبيتغير بسرعة ، إعلانات بوستات كل حاجة ، عشان كدة صغب تركز في المذاكرة فقط ، بتبقي هتموت وتنقل على حاجة تانية ، ولو الفون جنبك مش هتقاوم وهيبقي من المستحيل تركز .. ابعد اي حاجة تشتتك ، أنت مش ناقص
.
اقرأ موضوع التركيز اللي فات
- كيف تضاعف قدرتك على التركيزك https://goo.gl/hBAHHt
.
5. مين بس قالك إن اللي فات مات
أنت فاكر عشان ذاكرت موضوع يبقي خلاص ، أنت غلطان لازم تراجع على القديم باستمرار ، هتقول المذاكرة كابوس عايزني كمان أراجع على القديم الأول ، لو عملت الحاجات اللي فوق هتكون المراجعة أبسط من البساطة
.
عايز تعرف أكثر ؟ اقرأ ده
- الفكرة التي تجعل المراجعات ممتعة ومسلية https://goo.gl/g4yf58
.
7. هي التماثيل بتعرف تذاكر ؟
مذاكرة التمثال إنك تفضل فاتح الكتاب، تبص على الكلام ، تمشي عينك عليه في صمت رهيب ، لا حركة لا نشاط ، دي أسهل طريقة عشان تنام ، بعض أشكال المذاكرة النشيطة :
- اقرأ وأتكلم وارسم وغني وخطط وامشي في الأوضة
- دور على أهم جمل وحط تحتها خط
- رتب المعلومات بشكل منطقي
- اعمل قصة أو تخيل المعلومات فيلم سينمائي
- لحن المعلومات الأساسية
.
عايز أفكار أكثر وشرح أكثر ليها ؟ انتظر موضوع 18 طريقة ذكية للمذاكرة
إيه رايك في الموضوع ؟ هل فادك ؟
إيه أكثر حاجة استفدت منها ؟