ازاي تقفل الانجليزي ماده الانجليزي بالتفصيل

ازاي تقفل الانجليزي 

ماده الانجليزي بالتفصيل

المقاله دي هتفرقمعاكم جدا باذن الله :)

هنتكلم عن :

١- لو مش متاسس قبل كده في المادة اعمل ايه

٢- معتقدات عن الانجلش لازم تشيلها
٣- درجات الانجلش
٤- ازاي اذاكر الانجلش
٥- ازاي تراجع الانجلش في وقت وجيز
٦- ازاي تجيب ٥٠ من ٥٠ في الانجلش

اولا تعمل اي لو مش متاسس ف الانجلش

اولا متقلقش اوي من النقطة دي ، انا هقولك تذاكر ازاي

بس اهم حاجة متخليش هاجس انا مش متاسس انا مش متاسس يأثر على مذاكرتك للمادة
نتفق ف الاول اننا هنبطل نقول مش متاسس وبعدين هقولك تذاكر اذاي
اولا التاسيس قوة للطالب وعدم وجوده ليس ضعف
يعني المتاسس من وهو صغير دي حاجة قوية ليه اكيد
لكن ال مش معنى كده ان ال مش متاسس ه يضعفه طالما هيذاكر
ركز معايا في ال جاي وسيبك خالص من وسواس انا مش متاسس انسى الكلام ده خالص

ثانيا معتقدات خاطئه عن الانجلش

في ناس مفكرة انه يستحيل يتقفل

ناس تانية شايفة انه عقدة في الثانوية العامة
ناس حاسة ان ممكن مجموعها يطير بسببه

ده كله معتقدات غلط جدااا
امتحان الانجلش بيجي كويس جدا وهوريكم ازاي بالتفصيل
الاهم نذاكر
في قاعدة بتقول : ( كل ما تفكر فيه باستمرار ستحصل عليه )
يعني لو بتفكر دايما انك مش هتعرف تحل في الانجلش عقلك الباطن بيترجم ادراكك لأفعال وبيخليك تعمل حاجات تبعد بيها عن الانجلش عشان تثبت لنفسك انه اصعب مادة بالنسبالك رغم انه مش كده
عشان كده خلي بالك من الافكار السلبية انت معتقدها مجرد افكار بس هي اكبر من كده وانت لا تدري
متفكرش بسلبية في اي مادة نصيحة

ثالثا درجات الانجلش

الانجلش 50 درجة 

بيتقسم كالاتي
8 ( 4 situations , 4 speakers, places , functions )
14 ( 8 chooses , 6 find the mistake )
8 ( Reading 4 for each reading passage )
9 ( the story , 4 for four questions , 3 for three of the quotation , 2 for find the mistakes )
6 ( paragraph )
5 ( 2 translation into Arabic , 3 translation into English )
النتيجة 50 درجة

رابعا ازاي تذاكر انجلش

هنقسمه لمحورين 

محور بالمنهج ومهحور من خارج نطاق المنهج
المحور بالمنهج وده ال هو ( units , story ) وده عليه في الامتحان 23 درجة من الامتحان
وده تذاكره بانك تقسمهم
ال units 18 and 6 revisions
دول عليهم 14 درجة من الامتحان ودول ال ممكن يفرقوا ال مذاكر من ال مش مذاكر ودول ال يقفلهم بنسبة كبيرة باذن الله هيقفل الامتحان
طيب تذاكرهم ازاي ؟؟
١- اليونيت تقسمها ل ٣ اقسام ( كلمات، قراءة الدرس نفسه ، الجرامر )

الكلمات

اولا لو اول مرة تمسك اليونيت
هتقرا الكلمات قراءة لاول مرة ، هتلاقي بنسبة ١٥٪ في كلمات انت عارفها
بنسبة ١٥٪ كلمات جديدة صعبة النطق او الكتابة اكتبهم في ورقة لوحدهم
وبنسبة ٧٠٪ كلمات جديدة بس سهلة النطق هتقرأها وتخليهم في ورقة لوحدهم بردو
احفظهم بشكلهم واكتبهم وسمعهم كتابة
هتكون نسبة حفظك ليهم وصلت ٧٠٪ بردو
طيب ازاي تعلي نسبة حفظك ليهم ل ٩٥٪ ؟؟؟
بانك تقرأ نص اليونيت ، كل يونيت فيه نص ، لو مش موجود ف مذكرة المدرس لازم تقراه هتلاقيه في كتاب المدرسة او كتاب the best
نص الدرس لما تقراه هتلاقي الكلمات كلها ال انت حفظتها متوظفة بقى في جمل
فحفظك هنا هيتدعم بفهمها كمان وبالتالي نسبة حفظك ليهم هتعلى جدا توصل ل ٩٠٪
بعد ما تقرا الدرس في اليونيت ارجعلهم اقراهم قراية تاني لكل الكلمات وسمعهم تاني اوعدك هيبقى صعب تنساهم
الموضوع ده عشان تعمله باتقان مش هياخد منك بالكتير ساعة ونص
حروف الجر مهمة جدا ولازم بيجي منها ف الامتحانات هتقراهم في كل يونيت بيبقى في جديد اقراهم واحفظهم وبردو هتلاقيهم ف الدرس موجودين وارجع اقراهم مرة تاني وكده تمام
بعد كده في تعبيرات ، التعبيرات دي متاخدة من النص
بلاش تحفظها افهما ارجوك متحفظش
افهمها وترجمها كلمة كلمة وهتلاقيها بردو ف النص
النص بتاع الدرس قرايته مهمة جداااا
لما تخلص اوعى تستنى علطول تطلع اشئلة اختياري و تصحيح الاخطاء وتحل

الانجلش الاختياري والاخطاء عاوزين حل كتييير اقعد حل هتلاقي الامور بسيطة وكام حاجة ممكن تقف معاك مش عيب ابقى اسال فيها

الجرامر :

الجرامر مينفعش ابداااااا يتحفظ
ال بيحفظه دايما بغلط فيه
لو مش فاهم جرامر يونيت لازم تخلي حد يفهمهولك لااازم المستر بتاعك صاحبك المهم حد يفهمهولك ويديك امثلة
وبعدها تحفظ القاعدة بعد م تكون فهمتها
يعني المضارع التام المستمر
لازم تعرف يعني ايه الزمن ده بالعربي حتى عشان تعرف تكوينه بيكون ازاي وليه اضافة ing يبقى اكيد عشان مستمر ، افهم بعدها احفظ القاعدة
الجرامر عامل زي النحو بالظبط في العربي
عاوز فهم وحفظ القواعد بعد فهمها ثم حل كتيييييييير
بدون حل انت معملتش حاجة
حل واغلط م عيب المهم مينفعش متحلش

الريفيجن revisions

مهمين على فكرة كل ريفيجن بيبقى فيها كلمات جديدة ونص جديد بالدرس اقراهم وذاكرهم بنفس الطريقة ال قولتلك عليها والباقي مراجعة ع جرامر ال ٣ وحدات ال قبلها

اما #المحور_ال_خارج_المنهج
وال هو ( translation , passages , paragraph , situations , speakers ) وده عليه 27 درجة من الامتحان ودول مضمونين وهقولكم ازاي تضمنوهم باذن الله

اولا ال situations
دي بتبقى سهلة جدا
بس صعوبتها لو مفهمتش الجملة عاوزة ايه
بص ي سيدي هتعمل ايه عشان تستريح
١- تترجم الجملة عربي وتفهمها عربي كويس جدا
٢- جاوب بالعربي فس دماغك
٣- ترجم اجابتك بالانجلش بطريقة فنية
مثلا :
- your friend suggested to you visiting the pyramids next holiday , you have another suggestion.
بص ركز اوي على اخر الجملة بيبقى مهم جدااا
قالك you have another suggestion
يعني لما تترجمها انت ليك اقتراح مختلف
يعني مطلوب منك تعرض عليه اقتراح
يبقى هترجع لكيفية عرض المقترحات
والحاجات لازم المدرس يكون مدربك عليها
كيفية عرض الاقتراحات او الاراء او الرفض او النصح او او كل ده ليه طرق تكون عارفها لازم
هترد مثلا
I suggest visiting Cairo tower , I think it's better than visiting alex

انتهي الشرح واتمني انه يعجبكم وتكونوا استفدتوا منه